Ucom-ը մատուցում է ամենաարագ ֆիքսված և շարժական կապի ծառայությունները Հայաստանում: Բացարձակ առաջատար է IPTV և ֆիքսված ինտերնետի ծառայությունների մատուցման ոլորտում, ինչպես նաև զբաղեցնում է գլխավոր դիրքերը շարժական ինտերնետի հայկական շուկայում: Այդ մասին վկայում է ֆիքսված և շարժական ինտերնետի թեստավորման և վերլուծության համաշխարհային առաջատար Ookla®️ ընկերությունը, որը Ucom-ին շնորհել է «Ամենաարագ շարժական ինտերնետը Հայաստանում 2017» Speedtest Award™️ մրցանակը, ինչպես նաև «Ամենաարագ ֆիքսված ցանցը Հայաստանում 2021» մրցանակը, ինչի համար հիմք է ծառայել Speedtest Intelligence®️ տվյալների վերլուծությունը: 2022-ին Ookla®️-ն Ucom-ին շնորհել է «Հայաստանում ամենաարագ ֆիքսված ցանց 2022» և «Հայաստանում ամենաարագ շարժական ցանց 2022» մրցանակները, ինչն ընկերության 1400 աշխատակիցների համատեղ ջանքերի լավագույն գնահատականն է ոչ միայն հայաստանյան շուկայի, այլև տարածաշրջանի և ԱՊՀ երկրների մակարդակով։ Շնորհիվ իր արդիականացված 4G+ և սեփական օպտիկամանրաթելային (FO) ցանցերի, որոնք համապատասխանում են լավագույն միջազգային չափանիշներին, Ucom-ը տրամադրում է ֆիքսված և շարժական ծառայությունների կոնվերգենտ փաթեթն ավելի քան 700 հազար հաճախորդների:

Վիվա-ՄՏՍ-ը («ՄՏՍ Հայաստան» ՓԲԸ) Հայաստանում հեռահաղորդակցության` ամենաընդարձակ ցանցն ունեցող առաջատար օպերատոր է: Ոլորտի զարգացման համաշխարհային միտումներին ու բաժանորդների աճող կարիքներին համընթաց՝ Վիվա-ՄՏՍ-ն այժմ գտնվում է թվային փոխակերպման փուլում. ընկերությունն անցում է կատարում հեռահաղորդակցության օպերատորից դեպի համալիր ծառայություններ տրամադրող թվային ընկերություն: Այն առաջարկում է թե՛ ձայնային ու տվյալների փոխանցման ծառայությունների բազմազան տեսականի, և թե՛ բջջային հեռուստատեսություն, խաղային, զվարճալիքային, ուսուցողական հավելվածներ, էլեկտրոնային դրամապանակ, ամպային ծառայություններ, օգտակար լուծումներ բիզնեսի ու ֆինանսների արդյունավետ կառավարման համար և այլ ծառայություններ: Վիվա-ՄՏՍ-ը նաև առաջարկում է IP-հեռախոսակապի ու ֆիքսված ինտերնետի ծառայություններ՝ գործարար հատվածի համար:

Վիվա-ՄՏՍ-ը Ռուսաստանում և ԱՊՀ երկրներում հեռահաղորդակցության խոշորագույն օպերատոր «Մոբիլնիյե Տելեսիստեմի» ՀԲԸ դուստր ընկերություն է:

«ՋԻԷՆՍԻ-ԱԼՖԱ» ՓԲԸ-ն հիմնադրվել է 2007 թ․-ին։
«Ռոստելեկոմ» Հայաստանը («ՋԻԷՆՍԻ-ԱԼՖԱ» ՓԲԸ, ապրանքանիշ՝ «Ռոստելեկոմ», «Ռոստելեկոմ» ԲԲԸ դուստր ձեռնարկություն), հանդիսանալով ՀՀ հեռահաղորդակցության ոլորտի առաջատար օպերատորներից մեկը, 2012թ․ դեկտեմբերի 18-ից մատուցում է Լայնաշերտ Ինտերնետի, Սմարթ IP հեռուստատեսության և որակյալ Ֆիքսված հեռախոսակապի ծառայություններ ֆիզիկական անձանց և կորպորատիվ հաճախորդների համար։
Ընկերության մուտքը հայաստանյան հեռահաղորդակցության ոլորտ հատկանշական էր ցանցի զարգացման ուղղությամբ խոշոր ներդրումներով, ինչի արդյունքում հաջողությամբ գործարկվեց «օպտիկան յուրաքանչյուր բնակարանում» (GPON) տեխնոլոգիան հայաստանյան մի շարք քաղաքներում։
 «Ռոստելեկոմի» ցանցը Հայաստանում կառուցված  է օպտիկա-մանրաթելային մալուխով, որի երկարությունը կազմում է ավելի քան 3000 կմ` ծածկելով ՀՀ տարածքի 80%-ը:
Իրանի և Վրաստանի օպերատորների միջոցով «Ռոստելեկոմի» ցանցը փոխկապակցված  է տարածաշրջանի հիմնական մայրուղային ցանցերի և տրաֆիկի փոխանակման խոշորագույն կենտրոնների հետ:
«Ռոստելեկոմ»-ի օպտիկամանրաթելային մալուխը և նրա միջոցով մատուցվող որակյալ և նորարական ծառայությունները հասանելի դարձան Երևան, Աբովյան, Չարենցավան, Հրազդան, Վանաձոր, Գյումրի, Աշտարակ, Մեծամոր, Արմավիր, Մասիս, Արարատ, Արտաշատ, Սևան, Դիլիջան, Իջևան, Կապան, Մարտունի, Ալավերդի և Քաջարան քաղաքների բնակիչների համար։
«Ռոստելեկոմ»-ի կորպորատիվ հաճախորդների թվում են բազմաթիվ խոշոր ձեռնարկություններ, այդ թվում բանկեր և այլ ֆինանսական կառույցներ, ՀՀ կառավարությունը, հեռահաղորդակցության ընկերություններ և միջազգային խոշոր կազմակերպություններ։

«Արփինետ» ընկերությունը հիմնադրվել է 2007 թվականին։ Սկզբնական շրջանում ինտերնետային հասանելիության ծառայություններ տրամադրել է միայն Էջմիածին քաղաքում, իսկ 2008 թվականից՝ Արմավիր և Մեծամոր քաղաքներում, ինչպես նաև Էջմիածին քաղաքի հարակից գյուղերում: Ընկերության նպատակը եղել է նորարար տեխնոլոգիական լուծումների հասանելիության ապահովումը բաժանորդների համար, որն էլ հնարավորություն է ընձեռել գերարագ ինտերնետ և IP հեռուստատեսություն տրամադրել իրավաբանական և ֆիզիկական անձանց։ «Արփինետ»-ն առաջինն էր Հայաստանում, որ ներկայացրեց «օպտիկան գյուղում» լուծումը և տրամադրեց բարձրորակ հեռուստատեսություն (IPTV) և գերարագ ինտերնետ կապ՝ GePON տեխնոլոգիայի միջոցով ինչպես քաղաքների բազմաբնակարան շենքերի և սեփական սեկտորի, այնպես էլ մոտակա և սահմանամերձ գյուղերի բնակիչներին։
2011 թվականին կատարվեց ցանցի ենթակառուցվածքի գրեթե ամբողջական վերազինում նոր տեխնոլոգիաներով, որի արդյունքում ընկերությունը հնարավորություն ունեցավ ծառայություններ մատուցել ամբողջ Արմավիրի մարզում: 2011 թվականին բացվել են նաև ընկերության մասնաճյուղեր Մեծամոր և Արմավիր քաղաքներում, երկու տարի անց՝ 2013 թվականին, բացվել են ևս 3 մասնաճյուղ Լուսագյուղ, Փարաքար և Մուսալեռ գյուղերում: 2014թ-ին «Արփինետ» ընկերությունը, ընդլայնելով իր ծառայությունների մատուցման հասանելիությունը, բացեց սպասարկման նոր սրահ Արագածոտնի մարզի Թալին քաղաքում:
Այսօր «Արփինետ»-ն ունի գրեթե 100% ինտերնետային հասանելիության ծածկույթ ամբողջ մարզի տարածքում: Ցանցը, գրեթե ամբողջությամբ, կառուցված է օպտիկամանրաթելային մալուխից, որն ապահովում է ինֆորմացիայի զրոյական կորուստ: Ընկերության առաջիկա նպատակներից մեկն է՝ մարզի բոլոր գյուղերի և յուրաքանչյուր բնակավայրի մինչև 1 ԳԲ/Վ թողունակությամբ ինտերնետի հասանելիության ապահովումը: «Արփինետ» ընկերությունը համագործակցում է «Հայ Միասնության Խաչ», «Մաչանենց Տուրիզմ և Արտ», «Մաչանենց» թատրոն, «Արանեա», «Հայկական Ինտերնետ Տրաֆիկի Փոխանակման ԱՐՄԻՔՍ Հիմնադրամ», «TelCell», «ADC - Արմենիան Դեյթաքոմ Քամփնի», «ՋԻԷՆՍԻ-ԱԼՖԱ», «Հայաստանի Մալուխային Հեռուստահեռարձակողների Ասոցացիա», «D-Link», «ООО Сетевые Решения», ուկրաինական «INFOMIR» և «USER SIDE» ընկերությունների հետ:
«Արփինետ» ընկերությունը չինական BDCOM և բելառուսական «Белкабель» ընկերությունների պաշտոնական ներկայացուցիչն է Անդրկովկասում, որոնց իննովացիոն սարքավորումների միջոցով էլ կառուցվում է ցանցը և կատարվում են միացումները:

Fnet ընկերությունը հանդիսանում է մալուխային հեռուստատեսության և ինտերնետի առաջատար մատակարարներից մեկը Հայաստանում։ Կազմակերպությունը իր գործունեությունը սկսել է 2009 թվականից՝ մատակարարելով միայն մալուխային հեռուստատեսություն։ Տարեցտարի ընդլայնելով ծառայությունների և գործունեության շրջանակը այժմ արդեն Fnet-ը բազմաֆունկցիոնալ ծառայություններ է մատուցում հեռահաղորդակցության ոլորտում ոչ միայն Երևանում, այլ նաև Կոտայքի, Արարատի և Գեղարքունիքի մարզերում։ Fnet-ը այժմ մեծածավալ ներդրումներ է իրականացնում հեռահաղորդակցության ոլորտում և մատակարարում հեռուստատեսության ծառայություն (նաև catch up գործառույթ) և գերարագ ինտերնետ` օպտիկամանրաթելային ցանցի միջոցով:

«Հիբրիդ Սոլյուշնս» ՍՊԸ-ն Հայաստանի Հանրապետության տարածքում IP և OTT hեռուստատեսություն իրականացնող առաջատար ընկերություններից մեկն է: Համագործակցում է կապի այնպիսի խոշոր օպերատորների հետ,  ինչպիսինն է «Rostelecom»-ը: «Հիբրիդ Սոլյուշնս» ՍՊԸ-ն  Հայաստանի ողջ տարածքում  առաջարկում է  բազմաժանր հեռուստաալիքների ցանկ, որում ամենաքմահաճ հեռուստադիտողը կարող է գտնել իր համար ամենահետաքրքիր հեռուստաալիքները:

ԱՅՆԵՏ

«Ինտերնետ կոմունիկացիոն ցանցեր» ՍՊԸ-ն հիմնադրվել է 2013 թ.-ին։
Ընկերության առաքելությունն է՝
Բնակչության համար ապահովել որակյալ, կայուն ինտերնետային և հեռուստատեսային ծառայություններ։
Գործունեությունն իրականացնում է Գեղարքունիքի մարզում և Երևան քաղաքում։
GPON տեխնոլոգիայով իրականացնում է  ինտերնետ կապի և թվային հեռուստատեսության բարձրորակ ծառայություններ։
Օգտագործում է աշխարհում կիրառվող նոր սերնդի գերժամանակակից տեխնոլոգիաներ (ONT և OLT)։

«Տելեմաքս» ընկերությունը Գյումրի քաղաքի բնակչությանն ապահովում է երեք տարբեր ֆորմատների հեռուստածրագրերի հեռարձակումով, որը հնարավորություն է տալիս բաժանորդներին, կախված ունեցած հեռուստացույցների մոդելներից, ընտրել իրեն հարմար տարբերակը:

«Արմքոմ» ինտերնետ կապ մատակարարը արդեն երկու տարի գործում է Կոտայքի մարզում: Ընկերության ծառայությունները ամփոփված են հատուկ փաթեթների մեջ՝ որոնք կարող են լինել և ստանդարտ (նախապես ֆիքսված) և անհատական (բաժանորդի կարիքներին համապատասխան ձևավորված փաթեթ):

Արմքոմ ՍՊ ընկերության կողմից ծառայության որակյալ մատուցման նպատակով՝ գործածվում են օպտիկական մալուխներ: Օպտիկական մալուխները լայնորեն կիրառվում են օպտիկամանրաթելային հաղորդակցության մեջ, որտեղ դրանք իրականացնում են տվյալների փոխանցում ավելի բարձր արագությունով և ավելի մեծ հեռավորությունների վրա, քան սովորական մալուխները։ Մանրաթելերը մետաղական մալուխների փոխարեն են օգտագործվում, որովհետև ազդանշաններն անցնում են ավելի քիչ կորուստներով, ինչպես նաև դիմացկուն են էլեկտրամագնիսական դաշտի տատանումների նկատմամբ։

Սարքավորումները՝ որոնք ծառայության ակտիվացման օրը տրամադրվում են բաժանորդներին՝ ունեն Wi-Fi հնարավորություն: Ընկերությունը յուրաքանչյուր փաթեթի շրջանակներում՝ իրականացնում է անվճար Wi-Fi միացում:

«ՀիպերՍպեյս» ՍՊԸ-ն Հայաստանի ՏՏ ոլորտի առաջատար կազմակերպություններից է։ Ընկերությունը մատուցում է սերվերների տեղակայման, հավելվածների մշակման և այլ ծառայություններ։ Նորագույն տեխնիկական հագեցվածությունը, ինովատիվ տեխնոլոգիական լուծումները, թիմի պրոֆեսիոնալիզմն ու ՏՏ ոլորտում կուտակած բազմամյա փորձը, շուրջօրյա բարձրորակ սպասարկումն ու մի շարք այլ արժեքների որդեգրումը կոչված են բավարարելու նույնիսկ ամենաբծախնդիր հաճախորդի պահանջները։

Կազմակերպության առաքելությունն է տեղեկատվական տեխնոլոգիաների ոլորտում շահագրգիռ կողմերի համար ստեղծել երկխոսության հարթակ, ինչպես նաև ՏՏ ոլորտի անսահման հնարավորությունները դարձնել առավել հասանելի ու մատչելի ՓՄՁ-ների զարգացման գործընթացում։

«Ինտերնետ Հանրություն» հասարակական կազմակերպությունը «.հայ» և «.am» վերին մակարդակի դոմենային անունների տիրույթների ռեգիստրն է, ինչպես նաև կազմակերպության նպատակներից է Հայաստանի Հանրապետությունում Ինտերնետի զարգացման խթանումը:

InoRain-ը ՏՏ ստարտափ և աութսորսինգային ընկերություն է Հայաստանում:
Գաղափարից մինչև իրականություն.
Սա այն սկզբունքն է, որի վրա հիմնված է ընկերությունը: Հայեցակարգից մինչև պատրաստի արտադրանք ՝ մենք մատուցում ենք որակ, ժամանակին առաքում, ծախսերի ղեկավարում և նորարարություն ամենատարբեր շուկաների համար: InoRain-ը կոդավորելու և տեխնիկական աջակցության  գործընթաց է: Այն ներառում է այն ամենը, ինչը ներգրավված է ցանկալի ծրագրային ապահովման  հայեցակարգի և վերջինիս վերջնական դրսևորման միջև: Ընկերության գործընթացները ներառում են հետազոտություններ, նոր գաղափարների գեներացում, նախատիպավորում, ձևափոխում, վերօգտագործում, վերազինման աշխատանքներ և սպասարկում:
Մենք իրականացնում ենք.

• Բջջային հավելվածների մշակում
• Սերվերային սկրիպտների մշակում
• Կորպորատիվ ծրագրային ապահովման մշակում
• Վեբ կայքերի մշակում `գերժամանակակից  լուծումներով
• Հեռուստատեսային ծրագրերի մշակում 
• Bot-երի մշակում
• Առցանց խանութների մշակում և շատ ավելին:

Մենք անընդհատ բարելավում և մատուցում ենք մրցակցային ծառայություններ, որոնք ոչ միայն որակյալ կլինեն, այլև կդառնան կրեատիվության և ինքնատիպության չափանիշ: Չսահմանափակվելով միայն աշխատանքային օրերով, մենք հավատում ենք, որ մենք կարող ենք կոտրել բոլոր կարծրատիպերը և ներկայացնել նոր և բարձրորակ ծառայություններ աշխարհում:

«ԱՐԱՆԵԱ» սահմանափակ պատասխանատվությամբ ընկերությունը (ՍՊԸ) հիմնադրվել է 2007թ. դեկտեմբերի 10-ին: Գլխավոր գրասենյակը գործում է Արարատի մարզի Արարատ քաղաքում: Մատուցում է լայնաշերտ ինտերնետ ծառայություններ և IP հեռուստատեսություն ողջ Արարատի մարզում: Ընկերությունն ունի վաճառքի և սպասարկման սրահներ մարզի չորս քաղաքներում, որտեղ բաժանորդները կարող են տեղեկանալ ընկերության մասին իրենց հետաքրքրող յուրաքանչյուր ինֆորմացիայի, կատարել վճարումներ, կնքել պայմանագրեր, ինչպես նաև գնել համակարգչային տեխնիկա և այլ աքսեսուարներ: Ծառայությունների պատշաճ և շարունակական մատուցումն ապահովելու համար Արանեայի կողմից պարբերաբար իրականացվում են ցանցի բարելավման, թերությունների և անսարքությունների վերացման աշխատանքներ: 2014թ., մարզի ամբողջ տարածքով ունենալով սփռված օպտիկամանրաթելային ծածկույթ, Արանեա ընկերությունն իրականացրեց իր կարևորագույն ծրագրերից մեկը՝ IP հեռուստատեսության մատուցման ծառայությունը: