Արմեն Մուրադյան
«Արփինետ» ՍՊԸ – գլխավոր տնօրեն, ՀՕՄ Վարչության փոխնախագահ
«Օպերատորների հայկական միության» հիմնադիրներից է, հանդիսանում է «Օպերատորների հայկական միության», «ԱՐՄԻՔՍ» Հիմնադրամի և «Ինտերնետ Հանրություն» ՀԿ-ի վարչության անդամ, ICANN և RIPE Fellow:
Ակտիվորեն մասնակցում և իր փորձն է ներդնում առաջատար տեխնոլոգիաների ոլորտի զարգացմանը, ինտերնետի տարածմանը մարզերում և հեռավոր համայնքներում:
Հանդիսանում է «Արփինետ» ՍՊԸ համահիմնադիր և գլխավոր տնօրեն, մասնակցել է էջմիածնի «Ինովացիոն Էթնիկ Մարզային կենտրոն»-ի հիմնադրմանը և ցուցաբերում է շարունակական աջակցություն կենտրոնի գործունեության ընթացքում:
2000թ. ավարտել է Հայաստանի պետական ճարտարագիտական համալսարանի Էներգետիկայի ֆակուլտետի «Ատոմային Էներգետիկա» բաժինը և ստացել բակալավրի աստիճան: 2013 թ. ընդունվել է Հայաստանի պետական տնտեսագիտական համալսարանի «Ինֆորմատիկայի և վիճակագրության» ֆակուլտետը և ստացել մագիստրոսի աստիճան «Էլեկտրոնային բիզնես» մասնագիտությամբ, իսկ վերջին տարիներին նույն ֆակուլտետում հանդիսանում է ավարտական քննական հանձնաժողովի անդամ:
