Հունիսի 13-ից հուլիսի 3-ը Հայաստանի պետական կառավարման ակադեմիայում անցկացվեց «Թվային վստահություն և կիբեռանվտանգություն» խորագրով դասընթացը, որի ընթացքում Հայաստանի օպերատորների միության տնօրեն Քրիստինե Գյոնջյանը հանդես եկավ դասախոսությամբ «Թվային գրագիտության կարևորությունն արդի աշխարհում» թեմայով։

Դասընթացի նպատակը թվային լուծումների նկատմամբ հասարակության վստահությունը բարձրացնելն էր և այնպիսի գիտելիքներ փոխանցելը, որոնք օգտակար կլինեն թվային տեխնոլոգիաների գիտակից օգտագործման և կիբեռհանցագործությունների դեմ ավելի արդյունավետ պայքարի հարցում։ 

Դասընթացի արդյունավետության աստիճանը պարզելու նպատակով ավարտին մասնակիցներին առաջադրվեց թեստ։ Դասընթացի ավարտին 13 ունկնդիրներին տրվեցին վկայականներ։

Դասընթացի արդյունքներից է «Հայաստանի օպերատորների միություն» հասարակական կազմակերպության հետ կնքված համագործակցության հուշագիրը:

Դասընթացն անցկացվեց Հայաստանի Հանրապետության պետական կառավարման ակադեմիայի և «Արփինետ» հեռահաղորդակցական ընկերության նախաձեռնությամբ։